همسات من حب ضائع
الفصل الاول
الجزء الاول
مصر - القاهره
سمر : خلاص يا امي بليزززززززززززز كفايه بكاء
الام ( صفيه): يعني خلاص بتسبينا
سمر : يا امي انا مسافره ادرس وكلها سنتين وارجع وبعدين بالاجازات هاجي (تتكلم وهي تحاول ان تمنع الدموع تنزل حتي لا تضعف امام امها )
صفيه: يعني كان ايه لزمتها (سببها) الدراسه بره (خارج ) مصر مكنتي بالجامعه بتاعتك وكنا مرتاحين
سمر : يوووووه يا ماما منا قلتلك ده تكليف من الجامعه ومنحه يعني انتي تكرهي ليا الخير
صفيه: انا مش عارفه ازاي قلبك جمد كده علينا قدرتي يا سمر تسافري وتسيبي امك ( وبدأت في البكاء )
سمر : يا ماما حرام عليكي كده انا اعصابي مش مستحمله ومش عارفه هيكون حالي ازاي هناك
ابوس ايدك ارحميني وحاولي تساعديني
الوالد ( حسين ) : خلاص بقي يا صفيه يلا يا سمر شنطتك جاهزه ؟
سمر : ايوه يا بابا خلاص
حسين : طيب يلا بينا ها يا صفيه غيرتي رايك وهتيجي المطار معانا والا برضه مصممه تفضلي هنا
صفيه : لا مش هقدر اشوف بنتي بتبعد عني هسلم عليها هنا
حسين : طيب يلا انا خارج اشوف احمد اخوكي واحط الشنطه بالعربيه
سمر : سلام يا ماما هتوحشيني اوي ( وارتمت سمر بحضن امها وبداخلها تساؤلات كثيره يا تري هقدر
استحمل وابعد عن الحضن ده قد ايه ؟؟؟؟؟؟؟؟؟ ,,, هتوحشيني اوي يا امي
صفيه: وانتي كمان يا عنيا خلي بالك من نفسك وكلي كويس وكلمينا كل شويه بلاش البخل
سمر : حاضر
صفيه : وملكيش دعوه بحد هناك
سمر : يا ماما وهو انا اصلا اعرف حد
صفيه : قولي حاضر وبس
سمر : حاضر وبس
صفيه : سمر والله منا فايقه لهزارك ده كفايه الي فيا
سمر : خلاص يا ماما بس انتي انتبهي لنفسك ولصحتك يلا بقي علشان بابا بينادي
حسين : يلا بقي يا سمر
احمد : معلش يا بابا انت عارف ماما روحها في سمر
حسين : يعني انا يابني الي مش بحبها , بس ده مستقبلها وهي اختارت كده وهي حره
احمد: ( وهو ينظر ناحية باب العماره الي بيسكن فيها هو ووالده ووالدته واخته سمر )
اخيرا يا سمر هانم
ايه يا بنتي سنه علشان تنزلي ,
سمر : والله هتوحشني غلاستك ( طنازتك ) يا احمد , خلي بالك من ماما يا احمد وبلاش تنرفزها كل شويه
وذاكر كويس ومترفعش ضغطها
احمد: يووووه حتي وانتي مسافره مفيش كلمه حلوه لاخوكي الغلبان
حسين : خلاص يا ولاد يلا يا سمر اركبي
وانتلقت السياره كان احمد هو الذي يقودها وحسين يجلس بجانبه
وسمر بالمقعد الخالفي
كانت سارحه بعالم اخر كانت تنظر الي البيوت والشوارع وكانها تريد ان تحفظ الصوره براسها
لتجدها حين تشتاق لهم
(كانت سمر الابنه الاولي لحسين وصفيه ومع ذلك كانت دلوعة البيت وعائلتها كلها
وذلك لجمالها الهاديء وعقلها الرزين وتفوقها بدراستها ,,, كانت متوسطة الطول وتميل للنحافه اكتر
عيونها عسلي ( بني فاتح ) وشعرها اسود طويل ولكنها كانت محجبه )
وهي تنظر من النافذه انتفضت فجاة حينما اقتربوا من المدرسه الثانويه
تذكرت احلي يوم بعمرها يوم تخرجها من الثانويه بمجموع 95% وفرحةوالدها بها
ودخولها كلية الصيدله وتفوقها بها بعد ذلك حتي جائها التعين في الكليه كمعيده ومن ثم هذه المنحه
للندن التي كانت عباره عن مسابقه علي مستوي العالم حيث تم اختيار طالب واحد من كل كليه
ولقد اجتازت الاختبارات بنجاح وها هي في طريقها الي لندن اخيرا
احمد :" سمرررررررررررررررررررررررررررررررررررررر
سمر : انتبهت فجاة سمر وجدت ان السياره قد توقفت واخيها يصرخ بها................ايه يا احمد
احمد : هو ايه الي ايه يا بنتي وصلنا خلاص يلا
نزلت سمر وحسين واحمد من السياره وحمل احمد حقيبتها الكبيره وهي حملت حقيبه صغيره مع حقيبه اليد الخاصه بها
ودخلوا المطار معا وسالوا عن الطائره واكملوا كل الاجراءات
وجاءت لحظة الوداع
حسين : نشوف وشك بخير يا حبيبتي خلي بالك من نفسك ومن صحتك وكلمينا اول متوصلي
سمر : حاضر يا بابا هتوحشوني اوي (حضنت سمر والدها والدموع تنهمر منها )
احمد : والله البيت هيبقي من غيرك وحش اوي يا سموره
سمر : هتوحشني يا حماده خلي بالك من نفسك
سلام
احمد وحسين : سلام يا سمر
وتوجهت سمر للطائره
.................................................. ....................
نهاية الجزء الاول في الفصل الاول
السبت يونيو 30, 2007 12:02 am