عدد الرسائل : 342 العمر : 32 تاريخ التسجيل : 18/06/2007
موضوع: يوميات الطالب وجدته يوم الإختبار؟؟ الإثنين يونيو 25, 2007 3:32 pm
-الله أكبر الله أكبر..أذان الظهر..
-يارب.. يارب بحق ده الآدان تنجح يا حبيبي يابن ابنى وأشوفك دكتور أد الدنيا
-ياستى بس أنا فى تجارة
-وماله يابنى هو يكتر على ربنا...... ده ربنا قادر على كل شئ
-ياستى ونعم بالله بس اللى بيطلع دكتور لازم يكون فى كلية الطب مش التجارة
-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا
-ياستى التجارة اللى فى الوكالة حاجة واللى فى الكلية حاجة تانية
-ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق
-جدى إيه اللى هايخدنى معاه .....ده جدى مات من زمان ياستى
-يامصيبتى عبد الواحد مات..ياحبيبى ياأخويا..مكنش يومك ياسبعى
-ياستى ده ميت من تلتين سنة
-تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة